في عز الشمس
في عز الشمس
في عز الشمس تحرقني
وأنا المدبوح عشان خاطرك
ونار الفرقة تسرقني
بسيب أهلي واصون أرضك
فـ وقت الشدة أنا سندك
ووقت الخوف بكون ضهرك
وإن كان ع الصبر أنا صابر
ولو ع الموت هموت قبلك
فـ بلاش تكون فـ يوم ظالم
وترميني فـ بحور ذنبك
ده أنا حالف ما أسيبك يوم
ودمي يكون فدا دمك
أنا عايز بلدنا تقوم
وأشوف البسمة في ملامحك
ومش عايز يجيني اليوم
القاني قصرت فـ حقك
بدل ما تقول إني بخون
وإني تقيل على قلبك
شوف من بعدي مين يحميك
ومين هيخاف على عرضك
