فوضى
فوضى
فوضى وسط الحواري
ضلمة فوق البيوت
دارت ظلم الجواري
علت صوت السكوت
نفسي أسمع صرخة واحدة
نفسي أسمع لأه بصوت
دي الغباوة بجد زايدة
عودتنا ازاي نموت
عودتنا ازاي نتفرج
نسمع ولا يوم نقول
في عز الذل نهرج
ولا همنا قاتل ومقتول
توهتنا الدنيا توهة
دوختنا جوة دايرة
عيشتنا جوة لوحة
مرسومة بس مش باينة
مش شايفها أي حد
أهي موجودة والسلام
كل ما فيها يادوب عالقد
ما احنا مش قد المقام
