آه ومات
آه ومات
مات اللي كان ما يهابش البهوات
مات الفاجومي بيدافع للغلابة
عن الحاضر واللي فات
مات مبتسم
وألف آهة جوة قلبه بتترسم
ده شعب مصر بيتقسم
بس ناضل وحافظ على الثبات
آه ومات
شاف الغارات
هدومه دابت في السجون
وفي الحارات
ولا عمره خان التراب يوم داس عليه
ولا دم لوث يوم إيديه
راح وسابنا أحرار والفضل ليه
واحنا نواصل الطريق ويا السكات
آه ومات
مات القوي وكان سجين
جوة أحضان البلد ويا الحنين
مات اللي عمره ما انكسر
أمام الطغاة
رغم إنه ربع عمره بالزنزانات
آه ومات
