بالفيديو| محدش بقي بيطلبني.. كامي يتحدث عن سبب غيابه عن الشاشة
بالفيديو| محدش بقي بيطلبني.. كامي يتحدث عن سبب غيابه عن الشاشة
برع في التمثيل رغم أنه لم يكن مجاله الأساسي، لكنه تعلم أصوله خلال دراسته في معهد "الكونسرفتوار"، محاولا إجادة التمثيل الأوبرالي وكيفية التعبير بصدق عن حزنه أو فرحه، وهو ما جعل حسن كامي متميزا بمواهبه المتعددة.
وروى "كامي" في حلقة ببرنامج "الحياة في مصر" على قنانة "الحياة"، أنه في الحقيقة ليس ممثل: "لكن لاقيت طريقة التمثيل اللي هي نبرات النجاح أن الواحد يكلم بمنتهى الصدق اللي في الدنيا وبتلقائية عشان ده أقصر طريق إلى المتلقي"، وفقا لقوله.
وأضاف كامي أن أثناء دراسته الغناء احتوت المواد الذي يدرسها في المعهد عن كيفية أداء الحركات الجسد والوجه والتعبير عن الحزن والفرح: "واتعلمنا برده التمثيل في مواد الأوبرا وأنا كنت شاطر أوي فيه وكنت مقنع جدا لما ابقى حزين باديها في منتهى الحزن اللي في الدنيا".
وتابع كامي أنه يحرص دائما على ظهور أدائه بشكل مضبوط: "ده توارثته لما جيت اشتغل في التلفزيونـ طلبني الأستاذ محمد فاضل أني اشتغل معاه مسلسل وبعد كده الدنيا ربنا فتحها عليا في المسلسلات والسينما والمسرح".
وعن سبب قلة ظهوره في الساحة الفنية رد كامي: "دلوقتي للأسف الشديد محدش بيطلبني ليه؟، لأن الكلام اللي بيتكتب كله مبني على أحداث معاصرة صعبة عنيفة ناس بتبيع مخدرات دور شرير فمش بيطلبوني فأنا قاعد".
وأوضح كامي أن الممثل يستطيع أداء أي دور وأنه لديه إمكانية الخروج من الشكل التقليدي ولكن اعتاد الجمهور على رؤيته بأشخاص معينة: "أنا ممكن أبقى راجل طيب ممكن أبقى أب دبلوماسي برنس ورئيس عصابة وشرير وأعمال في حاجات كتير، لكن أنا الناس هتقول حسن كامي عمل كده مش حلو مش طبيعته".
ووصف نفسه بأنه يفضل عندما يؤدي دور أن يكون نابعا من شخصيتي: "أنا أفضل لما أجي أقول كلام يبقى من جوة روح قلب الشخصية اللي بمثلها أحب أقول صدق من روح هذه الشخصية".
