مستحيل يا مصر أشوفك

قبل ما أكتب.. جه على بالي فجأة سؤال.. بس مُلح.. ليه أنا بكتب عنك إنتي؟؟ رغم كل مافايض فيكي.. عندي يشح ويبقى مفيش لية مُصر اني أعيش.. وانتي عايشة جوه مني؟ ليه كتابتي تنادي قلبك؟؟ رغم إنك كاسرة قلبي.. ماصة دمي لية بحبك غصب عني؟؟ كل حلم في يوم حلمته ليه لقيتك جوه منه؟؟ ساكنة فيه كل شعر في يوم كتبته ليه لقيت اسمك عليه؟ كل صورة من حياتي ويا أمي ولا ابويا كل لعبة لعبتها ويا صاحبي ولا اخويا كنتي دايما ليه معانا؟؟ قولي ليه؟؟ دمعة نزلت من عيوني رعشة مسكت في إيديا والقلم م الحزن شطب.. والنسيم قرب عليا جه وهفهف.. قاللي إفهم.. قاللي إعرف قبل ما تكتب كلامك.. طير ورفرف بص شوف.. هي إيه؟؟.. ولا مين؟؟ غير غلابة وطيبين.. هي ست عجوز بتضحك لابسة توب أسمر حزين هي مين؟؟.. ولا إيه ؟؟ هي رسمة عالخريطة؟ ولا عسكري بشريطة؟ هي حاجة صعبة مرة؟ ولا طيبة وبسيطة؟ هي مصر قريبة منك؟ ولا مصر غريبة عنك؟ هي مصر مرات أبوك؟ ولا مصر بجد أمك؟جت إجابتي في جملة واحدة.. ليكي هكتب والسلام دا أنا سامعك زي غنوة.. دا أنا شايفك بنت حلوة.. ومهما تيجي الريح تهزك ولا تلقي ألف نوة.. مستحيل يا مصر أشوفك سجن وعساكر نظام

• مصر قريبة
• أبو
• أعيش
• أنا
• مصر قريبة
• أبو
• أعيش
• أنا
• مصر قريبة
• أبو
• أعيش
• أنا
• مصر قريبة
• أبو
• أعيش
• أنا
• مصر قريبة
• أبو
• أعيش
• أنا