وداعاً لاستغلال أُمناء الشرطة.. سرفيس «التنسيق» بـ2 جنيه
يغير خط سير عربته لمدة شهر واحد بالسنة، باعتباره موسماً لعربات السرفيس، فبدلاً من خط «صفط - جيزة» المعتاد، يقف عبدالرحمن فتح الله، أحد سائقى عربات السرفيس، مع زملائه السائقين، أمام باب المترو، الخاص بجامعة القاهرة، لينقل طلاب الثانوية العامة وأولياء الأمور، من أمام سلم المترو، إلى باب المدينة الجامعية، حيث يقومون هناك بتسجيل رغباتهم فى مكاتب التنسيق، مقابل أجرة 2 جنيه للراكب الواحد.
فتح الله، يجد فى موسم التنسيق، فرصة للرزق والهروب من دفع الإتاوات اليومية لأمناء الشرطة، أثناء رحلته من صفط اللبن إلى الجيزة، حيث يقول لـ«الوطن»: «أجرة المشوار من صفط اللبن للجيزة، جنيه واحد بس، لكن أقل إتاوة بندفعها عشان نعدى ونكمل المشوار بأمان 3 جنيه.. يرضى مين ده»؟
من هنا، يفسر فتح الله سبب رفع سعر الأجرة المطلوبة من طلاب الثانوية العامة، لـتوصيلهم لمكاتب التنسيق قائلاً: «التنسيق ده موسم، والحكومة دايما بتستغل السواقين فى كل أيام السنة ومع كل مشوار، يبقى ليه إحنا كمان منستغلش موسم التنسيق وزحمة الطلاب عند باب الجامعة، ونرفع الأجرة من 75 قرش لجنيهين»؟
بخلاف المكسب المادى، يفضل السائقون مشوار مكتب التنسيق عن خط سير «صفط.. جيزة»، ويقول فتح الله: «طريق صفط مش مستوى وملىء بالتعريجات، ده غير إنه غير آمن، ولو مطلعش علينا بلطجية، هيوقفنا أمين الشرطة، ودول طلباتهم كروت شحن وحاجات تانية كتير، وفى الحالتين خسارة، لو مدفعتش للبلطجى ممكن تتصاب، ولو مكيفتش أمين الشرطة هيديك أقل مخالفة 500 جنيه».