شاهد عيان عن الاعتداء على الصحفيين: البودي جارد قفلوا الباب

03:35 م | الاثنين 17 ديسمبر 2018

سرد أحد شهود العيان، واقعة التعدي على الصحفيين، داخل نقابة الصيادلة.

وقال الشاهد، رافضا ذكر اسمه: "الضرب بدأ حوالي الساعة 12 ونص الضهر، وعرفت من صوت الزعيق والصريخ اللي كان جوه النقابة، ومع بداية الضرب مجموعة البودي جارد قفلت الباب الحديدي ومنعت أي حد يدخل".

وأوضح أنه قفز فوق السور الحديدي من أجل حماية من يتعرضون للضرب، متابعا: "مكنتش اعرف إنهم صحفيين وكنت فاكرهم صيادلة، ونطيت من فوق السور عشان ماكنوش عايزين حد يدخل، والضرب كان جامد، وقعدوا يضربوا فيهم يجي تلت ساعة، وفي اتنين تقريبا اتعورا في وشهم، لدرجة إن أنا اللي طلبت الشرطة والقسم".

وتابع الشاهد: "عدد الحراسة يصل إلى 30 فرد أمن جاء بهم محي عبيد نقيب الصيادلة"، مؤكدا أنها لم تكن الواقعة الأولى، حيث إن مشادات كلامية وبالأيدي تنشب يوميا بسبب هؤلاء الحراس، مضيفا بنبرة غاضبة: "دول ناس جايبهم محي عبيد، ومحدش بيقدر عليهم"، مشيرا إلى أن الشرطة جاءت بعد حوالي 30 دقيقة واصطحبت معها المعتدى عليهم إلى القسم.