تعرف إيه عن الصعايدة
تعرف إيه عن الصعايدة
ﻧﺎﺱ ﻛﺘﻴﺮ ﺟﺪًﺍ ﻛﻞ ﻓﻜﺮﺗﻬﺎ ﻋﻦ ﺍﻟﺼﻌﺎﻳﺪﺓ إﻧﻬﻢ ﺍﻟﻨﺎﺱ ﺍﻟﻠﻲ ﺑﻴﺘﻘﺎﻝ ﻋﻠﻴﻬﻢ ﺍﻟﻨﻜﺖ ﻭﺑﺲ، ﻭﻻﺯﻡ ﻛﻞ ﻧﻜﺘﺔ ﻓﻲ ﻣﺼﺮ ﺑﻄﻠﻬﺎ ﻭﺍﺣﺪ ﺻﻌﻴﺪﻱ، ﻭﺃﻱ ﻧﻜﺘﺔ ﻻﺯﻡ ﺗﺒﺘﺪﻱ ﺑﻜﻠﻤﺔ "ﻣﺮﺓ ﻭﺍﺣﺪ ﺻﻌﻴﺪﻱ...." ﺣتى اﺣﻨﺎ ﻛﺼﻌﺎﻳﺪﺓ بننكت ﻋلى ﻧﻔﺴﻨﺎ.
ﻭﻧﺎﺱ ﺗﺎﻧﻴﺔ ﺑﺮﺿﻮ ﻛﻞ ﻓﻜﺮﺗﻬﺎ ﻋﻦ ﺍﻟﺼﻌﻴﺪ ﻭﺍﺧﺪﻫﺎ ﻣﻦ ﺍﻟﻤﺴﻠﺴﻼﺕ ﺍﻟﻤﺼﺮﻳﺔ.. ﺍﻟﺘﺎﺭ ﻭﺍﻟﺪﻡ ﻭﺍﻟﺴﻼﺡ ﺍﻟﻠﻲ ﺃﻛﺘﺮ ﻣﻦ ﺍﻟﻌﻴﺶ ﻋﻨﺪﻫﻢ ﻭﺗﻔﻜﻴﺮﻫﻢ ﺍﻟﻤﻘﻔﻞ ﻭﺑﻴﻮﺗﻬﻢ ﻋﺎﻣﻠﺔ ﺯﻱ ﺍﻟﻌﺸﺶ ﻭﻟﻬﺠﺘﻬﻢ ﺍﻟﺼﻌﺒﺔ، ﺣتى ﺍﻟﻤﻤثلين ﻣﺒﻴﻌﺮﻓﻮﺵ ﻳﻘﻠﺪﻭﻫﺎ.
ﺃﺣﺐ ﺃﻗﻮﻟﻜﻢ اﺣﻨﺎ ﻣﺶ ﻛﺪﻩ ﺧﺎﻟﺺ.. ﻓﻲ ﻣﺜﻞ ﻋﻨﺪﻳﻨﺎ ﺑﻴﻘﻮﻝ "ﺗﻌﺮﻑ ﻓﻼﻥ ..ﺃﻩ...ﻋﺎﺷﺮته؟ ﻷ ..ﻳﺒقى ﻣﺘﻌﺮﻓﻬﻮﺵ".
ﺷﻴﻞ ﺍﻟﻔﻜﺮة ﺩﻱ ﻣﻦ ﺩﻣﺎﻏﻚ، آﻩ ﻋﻨﺪﻧﺎ ﺳﻼﺡ ﺑﺲ ﻟﻠﺤﻤﺎﻳﺔ ﻭﻣﺶ ﻛﻞ ﻭﺍﺣﺪ ﻣﺎﺷﻲ بـ"آﺭ ﺑﻲ ﺟﻲ" ﻑ ﺟﻼﺑﻴته ﻳﻌﻨﻲ.
ﻛﻤﺎﻥ ﻓﻲ ﺗﻌﻠﻴﻢ ﻭﺟﺎﻣﻌﺎﺕ، ﻭﻋلى ﻓﻜﺮة بيوﺗﻨﺎ ﻣﺶ ﻋﺸﺶ ﺑﺎﻟﻌﻜﺲ.. ﺍﻟﺒﻴﻮﺕ ﻋﻨﺪﻧﺎ ﻣﻌﻈﻤﻬﺎ ﺳﻴﺮﺍﻣﻴﻚ ﻭﺃﺛﺎﺙ ﺣﺪﻳﺚ ﻭﻛﺪﺓ، ﺑﺲ ﺑﺮﺿﻮ ﺑﻨﻌﺘﺰ ﺟﺪًﺍ ﺑﺒﻴﻮﺗﻨﺎ ﺍﻟﻘﺪﻳﻤﺔ "ﺣﻀﺎﺭﺗﻨﺎ ﻳﻌﻨﻲ" ﻭﺍﻟﻌﻴﺎﻝ ﻋﻨﺪﻧﺎ ﻣﺒﺘﻠﻌﺒﺶ ﺑﺎﻟﺴﻼﺡ ﻷ ﺩﻱ ﺑﻘﺖ ﺗﻠﻌﺐ ﺑﻼﻱ ﺳﺘﻴﺸﻦ 3 ﻭﺃﻧﺠﺮﻱ ﺑﻴﺮﺩ ﻋلى ﺍلآﻱ
ﺑﺎﺩ، ﺑﺲ ﻣﻜﺬﺑﺶ ﻋﻠﻴﻚ ﺑﻴﻌﺮﻓﻮ ﻳﻔﻜﻮ ﺍﻟﺴﻼﺡ ﻭﻳﺮﻛﺒﻮﻩ.. ﻣﻴﻀﺮﺵ ﺑﺮﺿﺔ..
ﺍﻟﺼﻌﺎﻳﺪﺓ ﺟﺪﻋﺎﻥ آﻩ ﻭﻏﻼبة ﺑﺲ ﻣﻴﻀﺤﻜﺶ ﻋﻠﻴﻬﻢ ﻭﻓﻌﻼً ﺳﺎﻋﺔ ﺍﻟﺠﺪ ﺃﻭ ﺣﺪ اﺗﻌﺪى ﻋﻠﻴﻬﻢ ﻣﺘﻼﻗﻴﺶ ﺗﻔﻜﻴﺮ ﺑﺲ ﻃﻴﺒﻴﻦ ﻭﺃﻫﻞ ﻛﺮﻡ، ﻛﻔﺎﻳﺔ ﺑﺲ ﺍﻟﺠﻮ ﻭﺍﻟﻬﺪﻭﺀ ﻭﺍﻟﻄﺒﻴﻌﺔ ﺍﻟﻠﻲ ﻋﻨﺪﻧﺎ.. ﻭﻗﺒﻞ ﻣﺎ ﺗﺴﻤﻌﻮا ﻋﻨﺎ اﺳﻤﻌﻮا ﻣﻨﺎ.. ﺃﻱ ﻧﻌﻢ ﻣﺶ ﻫﺘﻔﻬﻤﻮا ﺣﺎﺟﺔ ﺑﺲ ﺑﺮﺿﻮ اﺳﻤﻌﻮ !! ﻡ ﺍلآﺧﺮ ﻣﺘﺼﺪﻗﺶ ﻏﻴﺮ ﺍﻟﻠﻲ ﺗﺸﻮﻓﻪ ﺑﻌﻴﻨﻚ.
