بالصور| بعد الهجوم على صلاح.. أديب يدافع عنه وجمهوره يرد غيبته
بالصور| بعد الهجوم على صلاح.. أديب يدافع عنه وجمهوره يرد غيبته
بعد خضوع النجم المصري محمد صلاح لجلسة تصوير، تمهيدا لتتصدر صورته غلاف المجلة الشهيرة "GQ"، للعدد الشهري المقبل، والذي ظهر من خلالها بملابس غريبة التصميم بعض الشيء، ما جعل رواد مواقع التواصل الاجتماعي يتناولون الصور بشيء من المزاح والسخرية.
واستدعي الأمر لقيام الإعلامي عمرو أديب، بتوجية رسالة للمنتقدين عبر موقع التدوينات المصغر "تويتر" مدافعًا عن صلاح قائلًا:" إلى كل إللي مش عاجبه لبس صلاح في المجله الأمريكية اولًا ده ستايل المجلة الشهرية إللي بتطلع كده من سنه تلاتين في نيويورك".
وتابع: "ثانيًا احنا بنشجع لعيب كورة مش موديل، ثالثًا امتى كنت تحلم إن مواطن مصري عَرْبي يطلع في مجله كبيره كده".
واختتم "أديب" ساخرًا من تلك الانتقادات وهذا الهجوم الشديد قائلًا: "ملقوش في صلاح عيب قالولوا جايب الهدوم دي منين".
وانهالت التعليقات من المتابعين بإعادة الرد على التدوينة التي قام بنشرها، وعلق حساب لشخص يدعى عبده زاهر قائلًا: "مش معني إنه عمل حاجه مش على هواك أو مش مألوفه للمجتمع فهو كده بيعمل حاجه غلط".
وتابع: "جايز إن العيب فيك إنك معندكش قابلية للتغير أو تقبل ثقافات أخرى خليك في حالك ومتحكمش على حد و كل واحد حر في تصرفاته طالما مش بيأذي الناس".
وهاجم شخص "أديب" وكتب: "احنا بنحب صلاح لو عمل إعلانات فول حتى وبنموت فيه وفخورين بيه ياريت بس حضرتك متتمحكش في صلاح وتعمل فيها خالو أو تعمل لنا فيها عم الكتف، مفيش حد مش بيحب صلاح على أي وضع".
ووجه له رسالة قائلًا: "ابعد بس إنت عنه بعينك اللي كلنا عارفينها وربنا هيكرمه، خليك في حالك"، وتابعت أخرى قائلةً: "ده هزار مع حبيبنا صلاح متكبرش الموضوع وتسخن لأن مفيش شخصية مصرية أجمع الشعب كله على حبه زي ما اجمعنا على صلاح".
