الخشت: تنظيم حفلين لـ"عمر خيرت" مجانا.. "واللي يبيع التذكرة على القسم"
الدكتور محمد عثمان الخشت .. رئيس جامعة القاهرة
أعلن الدكتور محمد عثمان الخشت، رئيس جامعة القاهرة، تنظيم حفلين كبيرين يومي الثلاثاء والأربعاء المقبلين الساعة 7 مساءً، للموسيقار الكبير عمر خيرت، مؤكدا أن الدعوات مجانية برعاية الشباب والمدن الجامعية، بمناسبة مرور 110 عاما على إنشاء الجامعة.
وأضاف الخشت، عبر صفحته الرسمية بموقع التواصل الاجتماعي "فيسبوك": "صباح الخير على ولادي وبناتي الطلاب عاوز أقولكم أني وقت لما كنت طالب زيكم كنت بذاكر كويس وبلعب كويس، ولم يكن هناك تعارض بين المذاكرة واللعب، وكان اللعب بيجدد نشاطي وبيعمل restart لذهني وكنت بلاقي إن استيعابي بقى أفضل، والضغط العصبي بقى أقل، خاصة أن الضغط العصبي بيزيد عليك لو كنت تنافس على المركز الأول على الدفعة".
وأوضح رئيس الجامعة: "إيه رأيكم تجربوا تعملوا زي ما كنت بعمل، وتعملوا Restart بحفلتين ورا بعض للموسيقار عمر خيرت؟ واللي يحضر واحدة لا يحضر الأخرى عشان يعطي فرصة لباقي الزملاء، والحفلتين بالمجان، ولو حد باع التذاكر على القسم على طول".