ليه تلمع حذاءك لما ممكن تكويه؟.. السر عند «لطفى»
ليه تلمع حذاءك لما ممكن تكويه؟.. السر عند «لطفى»
- ورشة أحذية
- حرفة تفصيل الأحذية
- تعلم حرفة
- تلميع الأحذية
- أحذية
- ورشة أحذية
- حرفة تفصيل الأحذية
- تعلم حرفة
- تلميع الأحذية
- أحذية
يخلط مجموعة مواد لا يعرف سرها سواه، ويضعها على جلود الأحذية، التى أفسدتها الملمعات المنتشرة بالأسواق، ليعيدها إلى سابق عهدها. أعوام عدة أمضاها لطفى بلال بالسعودية، فى مهمة عمل كمحاسب بإحدى الشركات، وقتها تعرّف على صاحب ورشة أحذية باكستانى، علمه خلطة شمعية تستخدم لكى جلود الأحذية.
«أول حاجة لازم أنظف الجزمة من الورنيش القديم بتسخين الجزمة على النار لحد ما يسيح، بعدها بفرد الخلطة بتاعتى بطريقة معينة، وأحط ورنيش كريمى مغذّى للجلد، وبارجع الجزمة فبريكة زى أول لبسة»، يقولها «لطفى»، الذى يعمل فى كل أنواع وأشكال الأحذية الرجالى والحريمى، بشرط أن تكون مصنوعة من الجلد الطبيعى.
يسعى صاحب الـ43 عاماً، وراء شغفه فى تعلم حرفة تفصيل الأحذية داخل ورشة والده بمركز فارسكور بمحافظة دمياط، حيث رفض والده فى بداية الأمر تعليمه الصنعة ليلتفت إلى دروسه، آملاً فى التحاقه بوظيفة حكومية، لكن إصراره على تعلم الحرفة جعله يتردّد على ورش أخرى لإتقانها: «حبيت المهنة، وباعتبرها هوايتى، وباحاول أبدع فيها، وبعد ما والدى تعب ومبقاش يقدر يشتغل، بقيت مسئول عن الورشة، ومن يومها باشتغل فيها حتى بعد وفاته».
يتقاضى «لطفى» مبلغاً يتراوح بين 40 و50 جنيهاً، نظير كى الأحذية، الغرض الذى لم يتفهمه الزبائن بسهولة: «باستمتع بشغلى، وبعد ما أخلص كوى بانصح أصحاب الأحذية يستخدموا ورنيش معين علشان يحافظوا عليها، لازم الناس تبطل تستخدم الورنيش السفنجة والحاجات اللى طالعة جديد. مفيش أحسن من الكريمى أبوعلبة حديد».
