م الآخر| حلم الغلابة

وكان ف عمري الجي حبة ضي وحقيقه وحكاية أنا مش عايزهم أبكي بقلبي ع الحياة رغم اني عارف من زمان إن الإله حتما بيفعل ما يريد أنا كف قمري اختفى لما الجفا.. كبر اختفى جوا الوريد أنا شاب لكن عيوني اكتفت تجاعيد ولا هان عليا الزمن رغم إني هنت أكيد ولا بجري ع الدنيا ولا منتظر حاجة وعايشها بسذاجة وتحت الليالي المُنى بتعاني م التهديد إنسان يبان منكسر لكن عيونه صقر خطف السعادة جبر كتب الحياة بالحبر برسايل التنديد انا في الحقيقه طين لكن همومي حديد مسألتي شيء م العجز خانق آهات الحس عملي بنفس الجنس وجزائي بالتشديد يـــا كسرة الأنفس يـــا حسرة الطموحين يـــا قهرة الضالين على قهوة العاطلين سامعين نواح الوطن على جثثه في التوابيت شايفين دواير الزمن لا قديم ولا تجديد حاسين بروحى شجن ولا ف علم الروح وقصايد الطواغيت لو حد مات مدبوح لا يعتبر ميت لو كان في أصل النسب عنده غلابه عبيـــد