إصابة أحمد فتحي
شنت جماهير الأهلي هجومًا عنيفًا على الجهاز الطبي لفريق الكرة، بقيادة الدكتور خالد محمود، بعدما تجددت إصابة أحمد فتحي، الظهير الأيمن للفريق، في العضلة الأمامية، في المباراة التي جمعت الفريقين، أمس السبت، ضمن منافسات الدوري العام، وانتهت بالتعادل بهدفين لكل فريق، رغم أن نفس الإصابة أبعدت اللاعب عن الملاعب لمدة تقارب الشهرين.
ودشنت جماهير الأهلي هاشتاج "جهاز طبي يا خطيب"، للمطالبة بالتعاقد مع جهاز طبي جديد، خاصةً أن فتحي لم يكن اللاعب الأول الذي يتعرض للإصابات، بل عانى الفريق طيلة الفترة الماضية من بعض الإصابات التي حرمته من أهم لاعبيه، مثل "وليد سليمان، علي معلول، جونيور أجاي، عمرو السولية وصلاح محسن"، وهو ما أغضب جماهير الأهلي وجعلتهم يرغبون في استقدام جهاز طبي جديد، خاصة أن إدارة الفريق نجحت في إبرام عدد من الصفقات الناجحة ضمن "ميركاتو يناير".
وكتب مصطفى: "يا خطيب حارس مرمى وجهاز طبي يا خطيب".
وقال معتز المالكي، "وكمان الموضوع مش مجرد إني بشيل دكتور وبحط دكتور، حقيقي لازم يبقى في دراسة كاملة للمشكلة، عشان بكل أمانة إحنا تعبنا من اللي بيحصل في الفريق من الإصابات ووجع القلب، إحنا لو جمعنا إصابات فرق الدوري كله ممكن نكون إحنا أكتر منهم".
وكتب محمد جمال: "حاجة بجد تحزن إزاي فريق كبير زي النادي الأهلي مفيهوش جهاز طبي كويس، على ما أعتقد ده بيرجع لمجلس الإدارة في اختيار زي ده، متخيل القوام الاساسي كله غايب بسبب الإصابات والإهمال ده الأهلي يا سادة مش نادي وخلاص".
وكتب محمد جاب الله، "جهاز طبي وإداري وفني وقلبين دفاع وحارس مرمى وعودة الجماهير وليلة كبيرة أوي سعتك".
وقال حسام، "كفاية بقى المستشفى اتملى".
وكتبت أماني، "أهم صفقة في يناير، هي استقدام جهاز طبي أجنبي محترف وعلى أعلى مستوى".
وكتب أسامة الهواري، "اللعيبة بتتصاب قبل ما تلعب".
وكتب أحمد عزازي، "علشان الشهيد رامي ربيعة اللي طول السنة في المستشفى وبيتصاب وهو مصاب أصلا وعلشان معلول اللي كل سنة بيتصاب في أهم وقت في الموسم وعلشان صلاح محسن اللي نزل فاول 5 دقايق اتصاب".
تعليقات الفيسبوك