م الآخر| اتعبيني بالغياب

اتعبيني بالغياب عذبيني بالمحبة قلبي واخد ع العذاب والجرح من الأحبة احرميني من السعادة بالخوف وبالنصيب دمع عيني أصبح عادة والظنون دايمًا تخيب امنعيني إني أشوف أي حاجة فيها نفسي بخل دا ولا كسوف ولا خوف ولا تقسي الحنان لو أحس بيه ببقى نفسي أكمله والآلم واخد عليه عمري كله متحمله اوعديني بالكلام الكلام كله ببلاش اوجعي قلبي بغرام فاكراني مبحسهاش اتعبيني كل يوم كل ليلة سهريني وري عيني النجوم في النهار وعلميني إن قلبي زي دار حضني مفتوح ينجرح للبيع وللإيجار طير وسهل يندبح رجعيني أقوي قلبي وابتدي عصري الجديد توبيني أصلي ذنبي إني بحلم بالبعيد قربيني من نهاية انتي عايزة تكتبيها فيها انتي مش معايا دي الحقيقة صدقيها