م الآخر| ببكي على تجاعيد الشقى

ببكي على تجاعيد الشقى اللي ع الوشوش ببكي حتى لو على حد أنا معرفوش بيألمني تعب البشر.. وبستغرب إزاي بيستحملوا اللي أنا ما استحملوش اللي عيان وعايشها عادي.. أصل المرض ما هزهوش واللي الديون سرقت حياته.. وحيطان السجن ما بتفارقوش واللي عايش كل همه يأمن عياله.. عشان بعد منه ما يتعبوش واللي مات أعز ما ليه.. وبقت الحياة عنده خلاص ما تغرهوش واللي ولاده استغنوا عنه.. وحتى من ربهم ما خافوش واللي ساند نفسه بالعافية وتايه في الزمن.. بس مره أبدًا ما همهوش و اللي ولا عمره طاطي غير للي خلقه.. أصلهم عنه ما يفرقوش واللي واللي ياااااااااااه قلبي وجعني خلاص كفاية.. معايا بقى ما تعدوش إيه يعني غلبان يا بشر.. شيلوا الحجر ورجعوا تاني قلوبكم.. ولا هيا يعني ما وحشتكوش