فوائد الكتابة
منذ انتشار التكنولوجيا بشكل كبير، وبدأت الناس تستخدم أجهزة الكمبيوتر والهواتف الذكية واللاب توب وغيره في الكتابة عليه بدلا من الورقة والقلم، إلا أن ما لا يعلمه الكثيرون أن الكتابة بيدك مستخدما الورقة والقلم لها فوائد عدة.
ويقدم مصطفى خليفة، استشاري تطوير الأعمال، 6 فوائد لأهمية الكتابة على الورق، حيث وصف ذلك، قائلا: "فوايد كتيرة جدا فقدناها لما بطلنا نشخبط ونطلع أفكارنا على الورق"".
وبحسب "خليفة" فأن الكتابة على الورق، لها فوائد عدة، نذكرها من سياق تصريحاته، على النحو الأتي:
1. التعلم:
"اللي بيتكتب بالإيد بيبقى صعب نسيانه، لأن عقلنا بيفتكر الخطوط والأشكال وهيا بتتكتب".
2. تنشيط العقل:
"لأن الكتابة بتستلزم حركة عضلات بطريقة معينة وتفكير بشكل حر بدون اعتماد على حاجة زي مثلا لما تتعود تحسب على الآله الحاسبة، هتلاقي نفسك بعد فترة مش بتقدر تعمل العمليات الحسابية البسيطة".
3. تنمية مهارات الكتابة:
"خطك هيتحسن وقدرتك على الكتابة بشكل منمق هتتحسن، هتبقى الورقة اللي بتكتبها شكلها احسن مع الوقت".
4. تنمية الابتكار:
"ويمكن ده أهم نقطة خصوصا مع الشخبطة لأن الكتابة على ورق وكمان لو مش متسطر بتخليك مش متكتف، ومفيش قيود زي اللي في البرامج المختلفة، أكتب في أي حته وارسم أي شكل واعمل أسهم وعلامات. طلع اللي في دماغك على ورقة هتعرف تفكر فيه في شكل أفضل".
5. الشرح:
"استخدام الكتابة والورق بيخلي الشرح أوضح لأنك بتبني المعلومة واحدة واحدة، وكمان بيتخليك تستخدم أسهم ورسومات وأشكال بطريقة أفضل".
6. التركيز:
"لأنك مش متشتت بأي حاجة وعايز متعدش الكتابة فبتفكر بشكل أفضل، وتركيزك على اللي بتكتبه بس مش الألوان ونوع الخط وحجمه والصف نفسه زي أنك تحط الكلام في النص أو مترقم وغيرها، ورقه وقلم رصاص وركز في كتابتك وأفكارك".
تعليقات الفيسبوك