م الآخر| يا رضا يا بني
م الآخر| يا رضا يا بني
(قصيدة للشهيد محمد رضا، طالب الهندسة)
بَبكيك يا رضا يا بني
بَبكي ذُلي وهواني
بَبكي ضعفي وانكساري
بَبكي حالي
بَبكي حلمي اللي راح
واللي خد معاه قطر عرقي
ويا السنين
بَبكيك يا رضا يا بني
بَبكي أيام قضتها
ليوم ميكونش ليك
مكان في بكره
بَبكي خوفي من نظرة انكسار
تملا عينك لو يوم
عجزي طال حلمك
بَبكيك يا رضا يا بني
بَبكي ضحكتك
لمّا تملا المكان
بَبكي عمري اللي اتوصل
يوم ما جالك النجاح
بَبكي جهلي بالزمان
بالمكان
بَبكي أرض.. بَبكي وطن
مات فيه ابني
دون ذنب اجتباه
بَبكي وطن كنت ليه فداء
بَبكيك يا رضا يا بني
