الشخص "السوسة"
تتعدد أنواع الشخصيات في العمل سواء الذي يساعد الآخرين أو المثالي أو المؤذي وغيره ولكن هناك من يطلق عليه الخبيث أو "السوسة"، ما يعتبره الكثيرون الأخطر.
وشرح مصطفى خليفة، استشاري تطوير الأعمال، لـ"الوطن"، أن الشخص "السوسة" له صفات معينة ليس فقط يعمل على ضرك بشكل مباشر ولكن له تأثير أكبر، لأنك لا تعلم لا تعلم أنه ليس في صفك.
ويقدم خليفة ما يفعله الشخص "السوسة" في العمل وكيفية التعامل معه وتجنبه كما يلي:
- "بيسخنك ويخلع":
"مبيدخلش نفسه في مشاكل، ممكن تتكلموا مع بعض في مشكلة في الشغل ومش بعيد يسخنكم، لكن ساعت الجد مش هتلاقيه، ده بالذات تخلي بالك منه لأنه ممكن يورطك في مشكلة كبيرة، دايما جربه في كام موقف لو لقيته مش بيسد معاك متصدقوش تاني".
- "عامل نفسه مش عارف":
"عنده كل المعلومات الجديدة لكن مش بيشارك معلوماته معاك، ممكن تبقى محتاج تعرف معلومة هتفيدك وهو عارفها لكن ميقولهاش ويسيبك تدور عليها، ده محتاج تجربه اكتر من مرة ولو عرفت منه في أي موقف أنه كان عارف المعلومة من قبلها بمدة ومرضيش يقول واجهه وعرفه أنك عرفت وأن دي حاجة بتضايقك واحذر في التعامل معاه".
- "بياخد شغل الناس":
"بيحاول يبقى أحسن من اللي حواليه لكن مش بالطريقة الصحيحة أنه يبقى اشطر أو يجتهد أكتر، لأ بيحاول يعرض شغله وأوقات شغل اللي حواليه على أنه شغله للمدير وياخد هو اللقطة، ده تحرص منه كويس جدا ومتديلوش شغلك في أي حال من الأحوال، لو هنعرض الشغل احتفظ بي لحد ما يتعرض على مديركم عشان يبان مين اللي عمله".
- عامل نفسه حبيب الكل":
"دايما بيعرف نفسه أنه حبيب الناس كلها وبيقولك كل شوية أنه بيحبك أكتر واحد، وبيمدح الناس كلها بطريقة مبالغ فيها، ده تخلي بالك منه لأنه مش صادق في كلامه وبيتملق، متصدقش مدحه ليك ولا تصدق كلامه عن حد ومتخليش رأيه يغير وجهة نظرك عن حد تاني".
تعليقات الفيسبوك