كوكب الشرق
اعتاد الجمهور أن يشاهد "كوكب الشرق" أم كلثوم وهي تشدو بأجمل الكلمات على المسرح، هي "ثومة" الذي ذاع صيتها وانتشر أغنياتها في أرجاء المعمورة، حتى أصبحت المطربة العربية الأشهر على الإطلاق.
لكن أن تُشاهدها وهي تلعب دور المذيعة فهذا الأمر مختلف تمامًا، خاصةً أنها كانت تحاور واحدًا من أعظم الأدباء وأكثرهم ذيوعًا وانتشارًا، وهو إحسان عبدالقدوس..
"الوطن" تستعرض الحوار الذي جاء على النحو التالي:
أم كلثوم: "هسألك أسئلة جامدة"
إحسان عبدالقدوس: "الجامد منك حلو"
أم كلثوم: "إنت ليه متحمس لكل حاجة جديدة؟ وإيه رأيك في الجيل الجديد؟".
إحسان عبدالقدوس: "مش بفرق بينهم بشكل ثابت، العمر مش هو اللي بيقيم الناس، في الجيل القديم في ناس كويسين وناس منجحوش، والجيل الجديد كده برضه".
وأضاف: "إحنا بنغلط لما بنحكم على الجيل الجديد بظروفنا، فبنصدر أحكام ممكن تكون مش صحيحة، لأننا مش بنراعي ظروفهم، وعايزينهم يعملوا زينا".
أم كلثوم: "أنا بشوف الجيل الجديد واعي أكتر من الجيل القديم، الحياة متاحة له بشكل أكبر، جيل صريح ممكن الواحد فيهم يشرب السيجارة وميخبيش على أبوه في البيت، وده بالنسبة لي أفضل لأنه مش بيكذب.. رأيك ايه؟".
إحسان عبد القدوس: "لأ، الجيل الجديد فيه شباب واعي وشباب بيتناول الأمور بسطحية زي الجيل القديم، ممكن تلاقي راجل عنده 60 سنة بيفكر أفضل من شاب عنده 25 سنة، لكن الجيل اللي بعد الجيل الجديد، هيلاقي نفسه أكثر تطورًا".
أم كلثوم: "أنا بفضل الجيل الجديد، لأنه واعي وصريح ومتفتح.. حاجة تانية غير الجيل القديم".
إحسان عبدالقدوس: "وأنا صغير كنت متربي في بيت جدي أزهري متدين، لو بنت صغيرة بصت من الشباك يديني العصاية ومكنش بيضربها هو عشان يربوني على تقاليدهم، مبقتش موافق على الكلام ده وجيلنا كله رفضه".
تعليقات الفيسبوك