عبدالغني: اللي بيشتموني عارفين إن أبويا مات وأنا مش جنبه علشان الأهلي
مجدي عبد الغني
أكد الكابتن مجدي عبدالغني، عضو مجلس إدارة الاتحاد المصري لكرة القدم، على أنه يفصل ما بين خلافات العمل، والعلاقات الشخصية، مضيفًا "بشوف المؤامرات تحاك، وبشوف اللي عاوزين يوقعوني، لكن أنا متوكل على الله، وعندي يقين بالله".
وأضاف "عبدالغني"، خلال حواره الخاص مع الإعلامية هبة ماهر، ببرنامج "8 الصباح"، المذاع على شاشة "DMC"، "بنبقى راكبين أتوبيس مع بعض والخيانة شغالة إني أسقط في الانتخابات".
واستكمل "عبدالغني": "في فترة في الناشئين كنت قاعد برة مبلعبش، روحت أعيط لأبويا، قالي أنا عاوزك تمارس رياضة وتستمتع بيها، إنت مش محتاج ليها".
وقال "عبدالغني": "النادي الأهلي في الستينات والسبعينات كان بيخسر من طوب الأرض، ومكانشي لسة بنى فرقة، غير بعد هديكوتي، كنت أحط مصحف فوق التلفزيون علشان النادي الأهلي ميدخلش فيه جون، وجدي كان متجوز 3 وعندي 25 عم وعمة، وكلهم أهلاوية".
واستطرد "عبدالغني": "أنا سبت أبويا في الإنعاش وروحت بنين علشان ألعب مع الأهلي، ورجعت لقيت أبويا ميت، العيال اللي بيشتموني واللي مسلطينهم فاهمين ده؟".