فيديو| أديب عن تحدي الـ10 سنوات للزمالك: "اللهي لا يكسبه ولا يربحه"
عمرو أديب
قال الإعلامي عمرو أديب، إن "تحدي الـ10 سنوات" والذي سيطر على عدد كبير من مواطني ومشاهير العالم وقام كل منهم بوضع صورة حديثة لهم في عام 2019 وأخرى مقابلة لها في عام 2009 "الفكرة دي عملالي هنتريش بأجنحة.. مين اللي أقنع الناس وسيطر على دماغها بموضوع تحدي الـ10 سنين".
واستعرض أديب خلال تقديمه لبرنامجه "الحكاية" والمذاع عبر فضائية "mbc مصر" عدد من الصور لهذا التحدي منها مستشفى أبو الريش "التحدي الحقيقي أنك تبقي خرابة كدة وتبقي بعد كدة مستشفى محترمة.. دي من أكتر الصور اللي وقفت عندها"، وأضاف "ربنا ما يربحه ولا يكسبه اللي حط تحدى الـ10 سنين لنادي الزمالك.. في 2009 كان الزمالك واخد 11 دوري وفي 2019 الزمالك بقى عنده 12 دوري.. في 10 سنين خدنا دوري واحد اللهي لا يكسبه ولا يربحه اللي يتريق على الزمالك سنظل أوفياء".