م الآخر| بارك الله فيما رزق

تعبت من كتر الخناق زهقت من كتر القلق لا عارف أحكي بالكلام ولاعارف أكتب ع الورق همومي زادت فوق كتافي قوام لقيت عمري اتسرق حتى قلبي خضاره راح وفجأة م الحزن اتحرق كل يوم بقول خلاص هنجي نفسي م الغرق أمشي والاقي وشوش كتير ماليها الشقى ماليها العرق وناس تانية مقضياها اللي شارب واللي تايه واللي سرق وناس عايشاها بلطجة... واخدها بالدراع والعوق وناس يتاجروا باسم الدين والكل طهق بقى اتخنق وناس لا ليها بيت.. يضلل عليها آخر الليل كوبري ونفق واللي واقف طابور طويل عشان بنزين أو رغيفين قتله الزهق واللي من كتر الزحمة راكب زي ماشي ولا فرق واللي واللي.. أنا مش هقر وبارك الله فيما رزق