بريد الوطن| رد فعل
صورة تعبيرية
لو نفترض الحب كلمة منها الكلام كله ابتدا
والمفترض أن الخبر بيتم معنى المبتدا
يبقى السؤال ليه أول السطر انكتب
كلمة حبيبتى:
واللى بعد النقطتين صحارى واسعة من الفضا
وفراغ كبير بين شرطتين
وحروف كتير مترددة
إزاى يكون الحب كلمة الحب نعمة
الحب حالة م التقى ومن الهدى
الحب إحساس بالرضا
ساعات بيرسم ضل الخطاوى ع الطريق
وساعات بيخلق ميت ألف قشة للغريق
وساعات يكون تمرة حنين لصيام سنين
بتبل ريق
وساعات يكون حضن الشجر وضمته لنقطة ندى
وساعات يكون قبطان سفينة
ودفته سامعة الندا ف عيونى
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com