م الآخر| أنا المجنون
م الآخر| أنا المجنون
وقلب ليلى مش راضي.. وأحايل فيه ماهوش فاضي
أبوس على راسها وإيديها.. وأحلّي الدنيا حوليها
وأغني عشانها وعليها.. ترد تقولي مارضاشي
لو إنت لوحدك المجنون.. هقول ماشي
لكن حوليا م المجانين مايتعدّوش
وتطلع إيه يا فقران إنت.. وسط وحوش
وجي تقولي علشانك أعيش وأموت!
أنا تقّلني عشّاقي دهب وياقوت..
آه يمكن هما سارقينه، لكن عادي!
أنا اللي أحبه يتصرف.. فما تجيش إنت وتخرّف
تقولي أعيش على المرة.. عشان أفضل أعيش حرة!
لا مش عاوزة أعيش وياك.. ولا يشغلني شيء في هواك
ما يكفيش إنك تكون مجنون.. عشان تكسب هوى ليلى
عشان تكسب هوى ليلى.. ما يكفي حتى كل الكون!
