م الآخر| إنتِ الحياة
م الآخر| إنتِ الحياة
ويا الأدان دق الجرس
زي الجنود كنا الحرس
فينا اللي راحو على الميدان
فينا اللي دقوا على البيبان
فينا الحماس راكب فرس
والنيل جميل وبيبتسم
زي الرغيف لو يتقسم
يملا البطون ويصبها
ويشيل قلوب ويحطها
وف كل وحدة إنتي الونس
ماشيين طريق هانكمله
لو حمل زاد نتحمله
فينا العناد طبع وشرف
وعن الطريق مابننحرف
نحصد نهار ونطفي نار
يبقى اللي صان
يفنى اللي خان
يصبح تراب وبيندهس
في عنيكي دمعة مسحتها
وبقيتي وردة زرعتها
أسقيكي دمي وأشرب تعب
لو تعطشي بعرق غضب
في سماكي إيد تتمدلي
وهواكي روح تتردلي
إنتِ اللي أخري وأولي
إنتِ الحياة وإنتِ النَّفَس
