م الآخر| نجم عايش
م الآخر| نجم عايش
نجم مات
الفرحة ماتت النهارده يا بنات
والحزن عشش في الضلوع حتى الممات
نجم مات
الأمل م النهارده في إجازة
والتفاؤل شيعوا له ميت جنازة
كان سفير للفقير
كان يخطي خطوة واحدة بألف خير
ده اللي كانت كلمته تحي الضمير
ده اللي قال عبدالودود.. وقال كمان إنه رابص ع الحدود
وقال كمان قل أعوذو .. لما الجبان ابن الجبانة مد بوذه
نجم مات !!!! مش مصدق
نجم عايش حي يرزق
نجم عايش يحكي لينا
ماضي حاضر
يحكي لينا قصة مناضل
نجم عايش نجم عايش نجم عايش
نجم عمره في يوم ما مات
اوعوا لحظة تقولوا عم نجم مات
