م الآخر| همسة في أذن الرئيس القادم
سيدي الرئيس أهمس في ودنك بإنك تكون
حنين علينا وصدرك حنون
تطول فـ بالك وتصبر علينا
سيادتك يا باشا حقك علينا
سامحنا يا ريس مشاكلنا كتيرة
استنى ما تخفشي أحلامنا مش كبيرة
يدوبك يا ريس قُلة وحصيرة
وأكله نظيفة تكليفها مش كبيرة
لا بحلم بشقة ولا بعفش بيت
عارفها كبيرة ولو تيجي ياريت
ولا وظيفة ميري تخليني عريس
ولا واحدة حلوة معايا تعيش
أجيب منين ده كله.. ده أنا ممعاييش
يدوبك يا ريس بحلم أعيش
وبعلم سيادتك بأني اللي كان
في خدمة سيادتك في قلب الميدان
وفوض سعادتك وطلع بيان
وقلك مطالبة وبيك استعان
يا ريس تذكر.. تريث وفكر
أنا اللي بخطط وأرتب وأفكر
وأدور بلهفة على اللي فـ همي فكر
هجامل سيادتك في أول شهورك
وهرفع في صورك وأدعم ظهورك
لكني بطبعي بحن لمطالبي
وأرجع أفكر في قلة وحصيرة
وأقولك يا ريس مطالبي الكبيرة
وأستنى حل لحاجاتي الكتيرة
يطول انتظاري سنين مش كتيرة
وأقول هي ثورة ولكن جميلة
هتكمل هتكمل في يوم أو في ليلة