سيدة البلكونة
تداول رواد موقع التواصل الاجتماعي "فيسبوك" مقطع فيديو لسيدة تتدلى وتتشبث بسور شرفة شقتها، بعدما حاول زوجها إلقاءها من شرفة شقتهما في حي فيصل في محافظة الجيزة.
في مقطع الفيديو ظهرت السيدة وهي على وشك السقوط من شرفة عقار بفيصل وتدخل رجلان للإمساك بها قبل سقوطها، وعقب ذلك ترددت أقاويل حول محاولة زوجها إلقاءها من الشرفة، لترد "سارة" التي ظهرت في مقطع الفيديو، على هذه الأقاويل، مؤكدة أنها حاولت الانتحار، لافتة إلى أن زوجها دائم التشاجر معها بسبب "ضعف شخصيته"، بحسب قولها.
وتابعت لـ"الوطن": "أخته هي اللي بتدور البيت.. ودايما بقوله هو أنا متجوزاك ولا متجوزة أختك.. بيذلني هو وأخته ولما بتخانق بياخد عيالي يوريني بنت وياخد التانية.. أنا عايزة أعيش لوحدي بس مع عيالي".
وأكملت: "أنا رميت نفسي وهو محاولش ينقذني كان بيتفرج علي وحسيت بإيده بتسيب إيدي يعني السبع سنين اللي عشتهم من حياتي خلاص مش عايزة أفتكرهم.. وإيده سابتني.. أنا مش عايزة غير عيالي بس".
هذا الفيديو تسبب في غضب رواد "السوشيال ميديا"، الذين تداولوا الفيديو بشكل واسع، معبرين عن غضبهم من هذه الواقعة التي وصفوها بالإجرامية.
وتساءل النشطاء مستنكرين ما ورد في الفيديو، معلقين "هو إحنا فين؟"، "هي ناقصة قرف"، "هي الناس اتجننت ولا ايه".
وأضاف آخرون: "ويقلك استحملي عشان عيالك وعشان وعشان.. عايزة أشوف الناس اللي بتقول كدة كان هيبقى ضميرهم مرتاح لو مكانوش لحقوها".
بينما كتب حساب آخر: "لا إله إلا الله.. يعني الواحدة تكون قاعدة في بيت أهلها تاكل وتشرب وحاسة إنها مطمئنة وتسيب كل ده علشان تكمل نصف دينها ويحصل فيها كده"، "ما يطلقها أحسن.. هي الناس جرى لها إيه وعقولهم راحت فين".
تعليقات الفيسبوك