حسدوا الفقراء على "جمبري الصدقات".. ومعد الوجبات يرد
الإطعام بالجمبري
نقد لاذع تعرض له وليد عبد الواحد حيث قرر أن تكون وجبات الإطعام الخيرية التي يقوم بتوزيعها على الفقراء مكونة من السمك والجمبري "إيش فهمهم في الجمبري، مش أوي كدا" هكذا أمطرته التعليقات المهاجمة والتي اعتبرت محاولته شكلا من أشكال "السفه".
"لن تنالوا البر حتى تنفقوا مما تحبون".. هكذا رد الشاب على منتقديه مؤكدا "الناس دي بتاكل طول الوقت أكل بسيط، والحاجة دي بالنسبة لهم عظيمة، ناهيك عن إن الموضوع بالكامل قدري وبناء على طلب متبرع جابلنا الجمبري لحد عندنا وقالنا اعملوه" ضاربا المثل بمتبرعين آخرين يتخذون القرار ذاته "جالنا واحد قبل كدا وادالنا فلوس قالنا هاتوا أغلى وأنضف حاجة في السوق واعملوها للناس دوقوهم حاجة مادقوهاش قبل كدا".
"إنت بتمشي تبع دماغ المتبرع، أنا مش بتحرك غير في المتاح، أغلب تبرعاتي عينية، لما حد حب يشارك في الجمبري، جابه بنفسه، وخد قراره لأن ولاده فرحوا بالجمبري لما اكلوه لأول مرة فقرر إنه يفرح الناس نفس الفرحة" تتحدث سماح سمك من الإسماعيلية مشيرة أن الأمر ليس بسيطا بالفعل "الحكاية دي مش بتحصل كتير، مرة كل فين وفين، وإنك كان على التكلفة هي فعلا مكلفة جدا، وجبة السمك والجمبري عشان تأكل 565 شخصا بتتكلف 9 آلاف جنيه، لولا إن المتبرع جايب الحاجة بنفسه، ولو معايا نفس المبلغ أكيد هاجيب فراخ أو لحمة أفضل، لكن لازم يكون عندنا أمانة، ومادام صاحب الشأن عاوز حاجة يجيبها وأنا أطبخها وأوزعها".