م الآخر| أيوه بخاف

اﻟﺨﻮﻑ ﺷﻌﻮﺭ ﻣﺶ ﺻﻔﺔ ﻓﻲ ﺷﺨﺺ. ﺃﻧﺎ ﺑﺨﺎﻑ.. ﺃﻳﻮﻩ ﺑﺨﺎﻑ.. ﺑﺨﺎﻑ ﻣﻦ ﻧﻔﺴﻲ ﻟﻤﺎ ﺗﻤﺸﻴﻨﻲ ﻓﻲ ﻃﺮﻳﻖ آﺧﺮﻩ ﻣﺶ ﻟﻴﺎ.. ﺑﺨﺎﻑ م ﺍﻟﻀﻠﻤﺔ ﺑﺲ ﻣﺶ ﻋﻠﺸﺎﻥ ﻋﻔﺎﺭﻳﺖ، ﻷ، ﻋﻠﺸﺎﻥ ﺍﻟﻀﻠﻤﺔ ﻫﺘﻮﻗﻔني ﻭﻋﻤﺮﻱ ﺑﻴﻌﺪي.. ﺑﺨﺎﻑ ﺃﻧﺰﻝ ﻭﻣﺮﺟﻌﺸﻲ ﻋﻠﺸﺎﻥ ﻋﺎﺭﻑ إن ﺃﻣﻲ ﻣﺶ ﺭﺍﺡ ﺗﻨﺎﻡ م ﺍﻟﺒﻜا بعدي.. ﺑﺨﺎﻑ ﻣﻦ ﺑﻮﻳﺎ ﻟﻮ ﻣﻌﻤﻠﺘﺶ ﺍﻟﻮﺍﺟﺐ.. ﻭﺑﺨﺎﻑ ﻣﻦ ﺑﻠﺪﻱ ﻟﻤﺎ ﺗﻈﻠﻤﻨﻲ ﻭﺃﻧﺎ ﻋﺎﺭﻑ إﻧﻲ ﻣﺶ ﻫﻘﺪﺭ اﺗﻜﻠﻢ.. ﺑﺨﺎﻑ على ﺻﺎﺣﺒﻲ ﻟﻮ ﺳﺎﺑﻨﻲ ﻓﻲ ﻧﺺ ﺍﻟﺮﺣﻠﺔ.. ﺑﺨﺎﻑ م ﺍﻟﻤﺎﺿﻲ ﻟﻮ ﺟﺎﻧﻲ ﻫﻴﻮﺟﻌﻨﻲ.. ﺑﺨﺎﻑ ﻣﻦ ﻭﺣﺪﺗﻲ ﻣﻊ ﻧﻔﺴﻲ ﻷﻧﻲ ﻋﺎﺭﻓﻬﺎ ﻣﺶ ﻫﺘﺒﻄﻞ ﺗﻠﻮﻡ ﻓﻴﺎ.. ﺑﺨﺎﻑ ﻣﻄﻠﻌﺶ ﻗﺪ ﺍﻟكلمة ﻭﺃﻭﻓﻲ ﺑﺪﻳﻨﻲ ﻟﻠﻲ ﻋﻄﻮﻧﻲ ﺣﺐ ﻓﻲ ﻳﻮﻡ ﻣﺎ ﻛﺎﻧﻮا ﻣﻌﺎيا.. ﻭﺧﺎﻳﻒ ﻣﻨﻬﺎ ﻟﻤﺎ ﺗﺠﻴﻨﻲ ﻣﺘﻼﻗﻴﺶ ﻟﻴﻬﺎ ﻓﻲ ﻗﻠﺒﻲﻣﻜﺎﻥ.. ﻣﻬﻮ ﻗﻠﺒﻲ ﺧﻼﺹ ﻣﻼﻩ ﺧﻮﻓﻲ ﻣﻦ ﺯﻣﺎﻥ.. ﺗﻘﻮﻟﻲ ﺑﻌﺸﻘﻚ أﺧﺎﻑ ﺃﺭﺩ.. ﺃﺧﺎﻑ ﺃﺣﺲ ﺃﺗﻜﻠﻢ.. ﻣﻬﻮ ﺑﺮﺿﻮ ﺃﻧﺎ ﻣﻘﺪﺭﺵ ﺃﺻﻞ ﺃﺧﺎﻑ ﻣﻦ ﺃﺑﻮﻳﺎ ﻳﻌﺮﻑ ﻳﻌﻠﻘﻨﻲ.. ﻭﺃﻧﺎ خايف ﻣﺎ ﻳﻌﺘﻘﻨﻲ.. ﺑﺨﺎﻑ ﻣﻦ ﺭﺑﻲ ﺑﺲ ﺳﺎﻋﺎﺕ ﺑﻨسى ﺃﺧﺎﻑ ﻭﺑﻌﺼيه.. أﻻﻗﻲ ﺍﻟﺨﻮﻑ ﻗﺪﺍﻣﻲ ﺑﻌﺪﻳﻪ.. ﺃﻧﺎ ﺧﺎﻳﻒ ﻭﺑﺮﺿﻮ ﻫﺨﺎﻑ ﺗﻘﻮﻟﻮ ﺟﺒﺎﻥ.. ﻷ ﺃﻧﺎ ﺧﺎﻳﻒ ﺣﺒﻴﺒﺘﻲ ﺗﻌﺮﻑ إﻧﻲ ﺟﺒﺎﻥ ﻓﺘﻜﺮﻫﻨﻲ.. ﻭﻟﻮ ﻛﺮﻫﺖ ﻓﺪﺍ ﻣﻦ ﺧﻮﻓﻬﺎ ﻣﻨﻲ.