م الآخر| مسلم مسيحي
كسروا.. دمروا.. فجروا
هدوا المساجد.. والكنائس دمروا
قولوا بعلو الصوت.. دي فتنة وانشروا
قولوا إن مصر هلالها.. وصليبها انحنوا
أو إنهم حتى.. في يوم استسلموا
قولوا دي فتنة.. بعلو صوتكم وانشروا
قولوا الهلال.. عادي الصليب
قولوا إن مسلم.. جاب مسيحي وعوره
هاجموا الرسول.. هاجموا المسيح
لكن هرد عليكوا.. بالمصري الفصيح
قلهالي جدي زمان.. وأنا في المهد طريح
يوم ما أذن في ودن.. وكان في التانية يصيح
مسلم مسيحي إخوات.. فـ وش الريح
مهما يكون.. يا جبل ما يهزك ريح
وقال كمان.. كنا زمان في الحرب رجالة
مسلم مسيحي.. في وقت الشدة صوتنا يتعالى
ياما لعبنا.. كلنا شربنا
نمنا وقمنا.. فـ بيت واحد
مع بعض.. على طول الطريق
مسلم مسيحي.. هلال صليب
عارفين هدفهم.. وحدة واحدة
قولوا بعلو الصوت.. دي فتنة وانشروا
مهما تقولوا فينا.. مش هتأثروا
جدي سبقكم.. وبعلو صوته فسره
إن اللي يحصل.. مهما يحصل تفضلوا
إخوات حبايب.. مع بعض ما تتغيروا