«بالوالدين إحساناً».. مبادرة لعلاج المسنين بالمجان والفيزيتا «دعوة»
«بالوالدين إحساناً».. مبادرة لعلاج المسنين بالمجان والفيزيتا «دعوة»
- هانى الناظر
- القومى للبحوث
- دور المسنين
- علاج بالمجان
- أدوية مجانية
- علاج المسنين بالمجان
- الفيزيتا
- هانى الناظر
- القومى للبحوث
- دور المسنين
- علاج بالمجان
- أدوية مجانية
- علاج المسنين بالمجان
- الفيزيتا
مبادرة عمرها 48 ساعة فقط، دشّنها الدكتور هانى الناظر، طبيب الأمراض الجلدية، والرئيس الأسبق للمركز القومى للبحوث، بالتعاون مع شركة الدواء الوطنية «فارميكس» لعلاج الآباء والأمهات فى دور المسنين الأكثر احتياجاً، مع تقديم الأدوية بالمجان، كانت البداية مع دار مسنين ابن هانى بمنطقة إمبابة، حيث قام «الناظر» بتوقيع الكشف على النزلاء، فى تجربة لم تقف بصاحبها عند حدود العمل الخيرى فقط: «خرجت من هناك بفكرة مختلفة عن اللى كنت داخل بيها، واكتشفت إنى مش باقدم حاجة مجاناً، أنا بآخد فى المقابل عِبر ودعوات أفضل من مليون أجر»، حكايات غيّرت من طريقة تفكير الطبيب الشهير: «منهم ناس أولادهم توفوا وماعادش لهم حد فى الدنيا، منهم ناس ماتجوزوش أصلاً، واللى فاضل من أسرتهم اتوفى».
دعوات طيبة وحالة من الرضا الشديد أذهلت الطبيب: «خطف قلبى مشهد سيدة كانت داخلة ومعاها اتنين، مهتمين جداً بحالتها، وعاوزين يطمنوا منى عليها، كان عندها إكزيما مضايقاها، وعاملة ليها حالة نفسية سيئة، لكن ماقدرتش أتجاهل خوف الصديقتين عليها، ولهفتهم على معرفة التشخيص، مفيش حد هناك عصبى أو صوته عالى، الابتسامة على وشوش الجميع». المبادرة تمتد إلى نهاية العام، تتضمّن زيارة مزيد من دور المسنين الأكثر احتياجاً، بالتعاون مع وزارة التضامن الاجتماعى.
