دردشة مجندين: «تعبونا جوه الحكم وبراه»
«واقف من الساعة 10 بالليل ما ريحتش رجلى غير ساعتين وبنفس اللبس، ماتعرفش المحاكمة دى هتخلص الساعة كام، الإخوان تعبونا وإحنا فى الخدمة وبراها».. قالها بتأفف لزميله المجند، فى تأمين محاكمة المعزول، حديثهما الجانبى كان بصوت مسموع، جذب إليهما مشاركات عدد من المواطنين الذين جاءوا للتظاهر ضد مرسى على باب الأكاديمية، فتحول نقاشهما إلى ساحة حديث جمع المجندين والمواطنين.
قال «أحمد» القادم من المنيا لأداء الخدمة العسكرية «وشى حلو على الإخوان، جيت من هنا، وهما سابوا الحكم من هنا» يثمن المجند الشاب دور الإخوان فى إعادة ثقة الناس بهم «الناس رجعت تحبنا وتقدرنا بعد ما شافوا الإخوان بيعملوا فينا إيه، يمكن علشان عرفوا إننا غلابة وإحنا مش محسوبين على حد، لا نظام جديد ولا قديم».
أسابيع كثيرة قضاها المجند الشاب فى الشارع «الواحد مننا بينام ساعة أو ساعتين فى اليوم، سواء ضباط ولا مجندين وطوال اليوم فى الشارع بنأمن المنشآت والمظاهرات»، يرى الشاب ما حاول الإخوان فعله فى ذكرى الثورة «حاجة عفشة.. كنت هاموت أنا وزمايلى فى وسط البلد، نزلنا تأمين وفوجئت بشابين معاهم فرد خرطوش وبيضربوا علينا نار بس ربنا سترها»، يستدرك مؤكدا أنه لا يخاف الموت هو وزملاؤه، ولا يحمل سوى هم واحد «الواحد خايف بس على أهله وحزنهم عليه، لكن المكتوب على الجبين لازم تشوفه العين».
أخبار متعلقة
اختفاء صور «المعزول» فى محيط «الأكاديمية» و17 معارضا فقط يهتفون: «إعدام الحبسجى»
«مرسى» لـ «قاضيه»: إنت مين؟.. و«الشامى» يرد: أنا رئيس جنايات مصر
28 يناير 2011 هروب «مرسى».. 2014 محاكمته
يد «ممدودة» بالسؤال.. ويد «مرفوعة» بالدعاء
75 مجموعة قتالية و50 تشكيلاً و60 مدرعة تولت التأمين
تفاصيل رحلة نقل مرسى وبديع والبيومى والكتاتنى من سجون برج العرب وطرة فى 4 ساعات
قانونيون: حضور المتهمين «وجوبى» والحبس عقوبة الإخلال بنظام الجلسة
خبراء النفس يحللون حركات «مرسى»: شديد التوتر.. لم ينم.. نرجسى
إكرام الشهيد «صرف التعويض»