م الآخر| الطيور.. عندها أنفلونزا

دجاجة ربة البيت تصب الخل والزيت دجاجة ربة البيت بقت عيانة دلوقت الديك قاللها مالك ياختي؟ قالتله الأنفلونزا جاتلي لحد عندي وحطيت إيدي على خدي قاللها وأنا كمان بعد ما كنت باصحى الصبح بدري وكنت زي الريشة وأنا بجري معرفش أيه اللي جرالي.. يا ميلة بختي ولكن أهي أزمة وتعدي قالت له وأنا بعد ما كنت محبوبة من الغني والفقير وسيدنا الأفندي وكنت باتبختر وأنا بامشي وبأقول يا أرض انهدي ما عليكي قدي دلوقتي بقيت عاملة زي جدتي وخالتي الديك قاللها وأنا نفسي أرجع لحالتي وأكون في خفة دم بلبل أفندي دلوقتي بدل ما نضيع وقتك ووقتي في اللي لا يجيب ولا يودي لازم نقبل التحدي ونقوي مناعة جسمنا من كل الأمراض اللي بتعدي ومنحتاجش بعد كده لحكيم ولا تمرجي ونخلف كتاكيت صغيرة نملي بيها محل الفراخجي عشان نسعد كل الناس في البلد دي وخير بلدنا يعم علينا جميعا ويزيد ويكفي ومنحتاجش بعد كده لمساعدة حد غريب ولا مصلحجي وعشان نيل المطالب مش بس كده بالتمني والإيد لوحدها مابتصقفشي لازم نشتغل وننتج في كل شبر من البلد دي ويلا نحط إيدينا في إيدين بعض ونركب مع بعض سفينة قادرة بينا تعدي وربنا يهدي.