أسوانية تشارك في الاستفتاء بالقاهرة: "السيسي بيحس بالغلابة"
عطيات
وافدة أسوانية تقيم مع زوجها، قدمت من شارع العزيز بالله في حلمية الزيتون بصحبة أسرتها إلى القاهرة وأدلت بصوتها في اللجنة 25 المخصصة للوافدين، ووافقت على التعديلات الدستورية: "أنا معرفش فيها حاجة عشان ست بيت بس جوزي قالي هنروح كلنا عشان الدنيا تمشي وإحنا مش عايزين من الدنيا حاجة نفسنا كل اللي عايزينه مستقبل ولادنا وأحفادنا".
عطيات عوض الله تركت محافظة أسوان منذ 9 أشهر وانتقلت مع أسرتها للعمل في القاهرة مع زوجها الذي يتولى حراسة عقار، بينما يعمل نجلها سائقا على سيارة أجرة، وتابعت "عطيات": "أن الرئيس حاسس بالناس الغلابة بيصرف لنا معاش من التضامن بسيط بس حاجة كويسة وأحسن من مفيش بس إحنا نصبر شويه والدنيا هتبقي أحسن".
وفي لجنة "عطيات" حضر سامح علي صاحب محل عصائر: "سبت شغلي في محل عصاير وحضرت النهاردة عشان أقول نعم للتعديلات الدستورية ونحافظ على بلدنا خلي الدنيا تمشي وأنا أول ما عرفت إن فيه لجنة للوافدين جيت بسرعة عشان أنا صوتي في محافظة أسيوط".
ووصف يوسف جاد الله عقب الإدلاء بصوته مهمته: "ده واجب وطني ولازم كلنا نشارك فيه عشان استقرار البلد وأنا جيت مع سامح صاحبي ننتخب وأنا شغال في محل عطارة بجوار العصارة اللي شغال فيها صاحبي وإحنا كده بنعمل الصح".
وشهدت لجان الاستفتاء على التعديلات الدستورية إقبالًا من المواطنين للإدلاء بأصواتهم منذ فتح اللجان، في ثالث أيام التصويت بالداخل، فيما أنهى المصريون بالخارج، الإدلاء بأصواتهم، أمس، في 140 مقرًا انتخابيًا بـ124 دولة يتواجد بها أبناء الوطن.
وأعلن المستشار محمود الشريف نائب رئيس الهيئة الوطنية للانتخابات، أن بطاقات التصويت طُبعت بعددٍ مساوٍ لأعداد الناخبين المقيدين بقاعدة البيانات، وهو 61 مليونا و344 ألفا و503.
وأوضح نائب رئيس الهيئة الوطنية للانتخابات، أن عدد القضاة المشرفين على الاستفتاء يبلغ 15 ألفًا و234 باللجان العامة والفرعية، مشيرًا إلى أن هناك 4015 قاضيًا احتياطيًا سيجري الدفع بهم في حالة الطوارئ، وأن عدد اللجان "العامة" يقدر بـ368، و"الفرعية" بـ13 ألفًا و919 لجنة.
وتجرى عملية الاقتراع والفرز بعد انتهاء المدة المحددة للتصويت، في حضور ممثلي وسائل الإعلام والمنظمات الصادر لها تصريح من الهيئة الوطنية للانتخابات.