كريم تجميل باسم «CC».. الخصوم: «بتفويض ولاّ من غير؟».. والمحبون: هيصحح مسار البشرة

انتقلت معركة الإخوان ومؤيدى المشير السيسى إلى حيز مختلف تماما، بعيدا عن الشوارع وصفحات التأييد والمعارضة، حيث جاء الخلاف هذه المرة على كريم تجميل يحمل اسم «CC» لتصبح ترجمته بالعربية «سيسى»، وتنتجه إحدى شركات مستحضرات التجميل العالمية التى عرضت منتجها على صفحتها الرئيسية فى موقع «فيس بوك»! الكريم الذى تم إنتاجه للقضاء على الشوائب وتغطية عيوب الوجه، قوبل بتعليقات ساخرة للغاية. محمد جمال روّج للكريم على صفحته قائلا: «لمصر خالية من الإخوان». أما حياة مسلمة فقالت: «وده نستعمله بتفويض ولا من غير تفويض؟». ضحى كامل، فتاة إخوانية، علقت: «ما دام اسمه سيسى يبقى الله الغنى».. فيما قالت نهى الشرقاوى: «لما تغيروا اسمه أكيد هاشتريه»، وعلقت روض: «أبشركم.. المنتج ده هايفشل من يومه». محبو الفريق كان لهم رأى آخر. ريهام الجناينى قالت: «ده عشان هو سى سى هجيبه هاجيبه»، فيما قالت ولاء سيد: «السيسى صحح مسار مصر، يبقى أكيد هيصحح مسار البشرة، بسيطة يعنى، وقدها يا سيسى». أما حنين ياسين فقالت: «كفاية اسمه بس.. الواحد يمسكه وشه ينور على طول». «طب لو دخل الكريم فى عينى هايقوللى انتى نور عنينا ولا إيه؟».. قالتها سوسن محمود مازحة. أما سارة محمود فقد رأت فى الأمر رسالة من القدر إلى الإخوان: «لما كل العلامات اللى عند دكتور العيون فيها حروف سى سى، قلتوا لأ مرسى رئيسى، دلوقتى كريم تصحيح البشرة اسمه سى سى، هاتعملوا إيه بقى؟».. فيما قالت رضوى فؤاد: «هتلاقى واحدة إخوانية مشترياه وكاتبة عليه سى سى قاتل!».