م الآخر| طرابيزة واسعة

طرابيزة واسعة على شكل دايرة حبة كراسي فوقها تماثيل مبتسمة والعاركه دايرة ولي الأمر قرر يصلي ركعتين والوضوء بقى بالدم عشان الدم أصبح ميه وعيال بترسم ع الحيطان هو ليه كل اللي اترسم مفيهوش ولا دقن باينة هو ليه عمر الزهور اللي اتسرق ليه اتسرق من دقن غيره؟ روح الملايكة عمرها ما بتنحني يا قلوب عليلة وإنت ليه يوم عزايا مشوفتكيش؟ ملمحتكيش وسط الملايكة فـ جنتي آه يا بلد تعظيم سلام تضربي للي خانك أما أنا طز فيا ميهمكيش فـ قطر الغلابة كلنا حاجزين مكان جوه أتوبيس مدرسة جنب عيل من اللي ماتوا مش من زمان وشاب شايب من يوم ولادته قرر يموت لجل عشقك وإنتِ برضه ماحستيش ملعون أبو الشوق اللي جابه من غربته ملعون أبو فرعون زيك ملهش قلب ولا من غربيتي بيمل ملعون أبو قلبي اللي عشقك ملعون أبو العشق اللي يذل