م الآخر| على بالي أقولك حاجة
![م الآخر| على بالي أقولك حاجة](https://watanimg.elwatannews.com/old_news_images/large/201650_Large_20140209124026_7.jpg)
على بالي أقولك حاجة
لكن بخاف تزعل
ساعات بتكون سذاجة
اوعاك كتير تتقل
أنا حبي مش أشعار
دا جنون وبيسافر
وقلبي دا بحار
ع البعد مش قادر
ع بالي أقول كمان
البعد بيهدني
تعبان من الحرمان
ولو مش بتهمني
أنا كان زماني نسيت
حبك وأشواقي
نفسي تفهم ياريت
لسه عليك باقي
على بالي حاجات كتير
وظروفي منعاني
واكمني عليك بغير
وعيونك وحشاني
حس الشوق اللي فيا
حس النار جوايا
بلاش تحرم عينيا
يا غرامي ويا هوايا
على بالي كل شيء
ومشاعري سبقاني
عايزك قلبك جريء
عايزك في أحضاني
وكفايا عمر فات
يلا نعيش اللي جاي
وننسى الأهات
ونبدأ من تاني