م الآخر| قهوة سكر زيادة

قاعدت عالقهوة في الحارة طلبت واحدة زيادة وشربت معاها سيجارة بضرب بعيني لقيت غزال ماشي يتمخطر على فين يا غزال شارد.. يا واد أسمر يا جامد بصيتلي بطرف عينها ما تقولش في تار بيني وبنها قربت منها شوية.. اسمك إيه يا صابية يا بني أنا أبويا صعيدي وإمي اسمها بخاطرها مش سوزى وﻻ جيجي لو بجد ناوي.. بطل الغناوي وقاعدة القهاوي تعالى اطلبني رسمي.. وساعتها تعرف اسمي جريت على أمي زاحف.. قاطع النفس وحالف نروح نخطبها من أبوها ونطلب إيدها وبسرعة كتبت كتاب.. وعليت معاه الجواب وبقيت في يوم وليلة.. صاحب عيلة جميلة بس الحال مادام.. المصيبة في المدام ماليتلي البيت عيال.. والجسم اللي كان غزال انقلب بقى شوال.. والبيت مرستان المهية على قد الحال.. رايحة على العيال شرباتي خيطتها.. والقهاوي بطلتها شطبنا سمعتها.. ماحسيتش وقتها إني على القهوة قاعد.. من ساعة ماشفتها يعني ﻻ خطبتها وﻻ رحت طلبتها ولقتها راجعة تاني.. عملت روحي نايم الجواز أنا جربته في الحلم وشفته وبدال ماشربها زيادة طلبت واحدة سادة