بريد الوطن| مقام ومزار
بريد الوطن| مقام ومزار
فى كل مينا وبلد
ليّا مقام ومزار
بنيته من حسنها
محفور عليه اسمها
يخطفنى ليه ودها
اعمله ليلة وزار
مرة ف أبوالعباس
والقلعة شايفانى
يا مين يجيب لى سعاد
ويعيد غرام ودها
لا شفت يوم زيها
ولا جمال قدها
سبحانه مين قدها
تسحر عقول وقلوب
م تقول يا راس التين
عدى عليك اتنين؟
فيه واحدة تشبه لها؟
وكمان يا بير مسعود
اشهد وقول الحق
عنيها فوق ميّتك
بتوشوش الرملة
احفظ كلامها وشيل
وغلفه أشواق
يمكن ألاقى السلوى
ف ايدين بتتلاقى
بعد ما دقت فراق
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
