مراد مكرم يبدأ رحلة تخسيس: "الدور جاي على السجاير"
مراد مكرم
شارك مصطفى أكشن مُدرب اللياقة البدنية، متابعيه صورة للفنان والإعلامي مراد مكرم، داخل إحدى الصالات الرياضية، وذلك في أول حصص "كورس" التخسيس، الذي أطلقه مؤخرًا.
وكان "مراد"، أعلن قبل أيام، عن أنَّه ينوي اتباع أسلوب جديدة في التغذية الرياضية، لاسيما بعد الأضرار الصحية التي أصابته بسبب برنامج "الأكيل" الذي يُعرض عبر قناة "سي بي سي سفرة".
وكتب "مراد" عبر حسابه الشخصي على موقع التواصل الاجتماعي "فيس بوك": "مع بداية حربي مع وزني، ناس كتير وقفت معايا وخسستني أوي، أولهم فاروق شاهين، اللي شاف مني الويل، كل شوية أروح له وابتدي أخس وما التزمش واتخن تاني واروح له تاني وهكذا".
وتابع "مراد": "كان أكتر واحد بيأكلني وـخس، بس تقول إيه بقى النفس أمارة بالمكرونة بالبشاميل، ولما سبت الزمالك وروحت زايد، استلمتني الصديقة الشاطرة أوي برضه شريفة أبو الفتوح، وكملت المشوار وطبعا نفس الحاجة، تخسسني، أبوظ، اتخن تاني".
وأضاف "مكرم": "استلمني باهي هاني، والمرة دي خسسني 14 كيلو رغم التبويظ والأكيل، بس قدرت أحافظ على اللي خسيته، كان لازم أشكرهم كلهم وأديهم حقهم، وأعرف الناس كلها أنهم دكاترة شاطرين أوي وأنا اللي مريض فاشل".
واستكمل "مكرم" حديثه قائلًا: "ليه بقى بعمل كدة دلوقتي، لأني هبتدي أسلوب جديد من التغذية الرياضية مع صديق السنين، واللي كنا ابتديناها من 6 سنين وفلسعت كالعادة، هاني أبو النجا، رياضة مع مدرب شاطر وفرق مع ناس كتير، مصطفي أكشن".
واختتم "مكرم" حديثه بقوله: "ادعولي بقى إني المرة دي أدخل في الجد، وأنا مصمم أغير حياتي للأحسن، والدور جاي على السجاير، بما إن محدش بياخد باله مني، أخد بالي أنا من نفسي".