م الآخر| كخه يا بابا

كلمة بتقولها اﻷم يوماتي من غير ﻻزمة واهي بتهاتي اخرس خالص مش عايزة كلام امشي انجر يلا أوام والله أما يجي أبوك راح أقوله خليه ينسل جسمك كله بقى بالذمة ده اسمه كلام هو الطفل ده مش إنسان امتى يعبّر؟ امتى يفكر؟ ﻻزم يغلط عشان يتعلم ﻻزم يتعود امتى يفرمل خليه يقول اللي حاسس بيه خليه يغلط وانتي رديه ده أكله ولبسه فرض عليه وكمان مدرسته حتى اسمه انتى اخترتيه ادخلي شوفي إيه جواه صاحبيه ونسي شويه إنك ولداه مش يمكن يكون جواه فنان عازف ألحان أو رسام وﻻ تكون له ميول رياضية ويحقق فيها يوم ذهبية مني نصيحة لوجه الل طولي بالك على عيالك ازرعي بذرة هتكبر بكرة وتكون شجرة تظل عليكي وكل ثمارها هتكون ليكي