مائدة «الست سكينة».. خير رمضان موجود طول السنة
مائدة «الست سكينة».. خير رمضان موجود طول السنة
- مسجد السيدة سكينة
- مائدة رحمن
- المتطوعين
- وجبات الغذاء
- توزيع الوجبات
- الأعمال الخيرية
- مسجد السيدة سكينة
- مائدة رحمن
- المتطوعين
- وجبات الغذاء
- توزيع الوجبات
- الأعمال الخيرية
ساحة كبيرة مغطاة بالفراشة، ملاصقة لمسجد السيدة سكينة بحى الخليفة، بداخلها مائدة رحمن تعمل طوال العام بواقع ثلاث مرات أسبوعياً، الأحد والأربعاء والجمعة، يعمل فيها عدد من الأشخاص المتطوعين يتولون إعداد وجبات الغذاء وتجهيزها لتكون فى استقبال المارة والمحتاجين من بعد صلاة الظهر.
قبل رفع الأذان بدقائق يبدأ سيد الشيخ، المسئول عن المائدة، فى توزيع الوجبات على الطاولات الخشبية برفقة مساعديه لبدء استقبال الضيوف المنتظرين عقب صلاة الظهر، وتقسم المائدة لقسمين، جزء خاص بالرجال والآخر للسيدات والأطفال: «شغالين 3 أيام فى الأسبوع، بنستقبل الناس اللى على قد حالهم وهما عارفين مواعيدنا بيتجمعوا عندنا من قبل صلاة الظهر، مساعدة المحتاج والخير لازم تبقى دايمة مش فى رمضان بس». وجبات مكونة من الأرز والخضار والفراخ وبعض المخللات، يقوم «سيد» بتحضيرها مع اثنين من المتطوعين، وهى فكرة الحاجة أميرة إسماعيل، مؤسسة جمعية نفيسة العلوم الخيرية وزوجها قبل وفاتهما: «بنبدأ فى تحضير الأكل من الساعة 8 الصبح عشان نلحق نخلص، وتكلفة الأكل من مساعدات الناس ومن حساب الجمعية، الحمد لله الخير كتير وعمر ما حد جه وماتراضاش».
"سيد": نقدم وجبات 3 مرات أسبوعياً للمحتاجين وعابرى السبيل
من مصر الجديدة يأتى «الحاج إبراهيم»، خصيصاً للمشاركة فى العمل داخل المائدة، فبعد خروجه على المعاش قرر التطوع فى الأعمال الخيرية: «عيالى كلهم بييجوا يشتغلوا فى المائدة».
