اشرب الشاى بـ«السيسى»
على بعد أمتار من نفق الشهيد أحمد حمدى، وقف الشاب سمير الحلبى، وسط «كبايات الشاى» فى كافيتريا دنيا، على طريق السويس، ليجيب عن تساؤلات الزبائن حول لوحة لفتت أنظار الجميع للمشير عبدالفتاح السيسى، للمرة الأولى تراها مرسومة بريشة فنان محترف. قال: «يا جماعة أنا وأخويا اللى رسمنا الصورة دى، ومجبناش رسام يرسمها ولا حاجة، اللى بيحب حاجة بيعملها وإحنا بنحب السيسى زى أبونا الحج الحلبى بالظبط».
أوضح «سمير» ذلك الشاب الثلاثينى، أنه شريك مع شقيقه فى ملك الاستراحة بعد وفاة والده «أبويا مات من 10 سنين وساب لنا الكافيتريا دى نقف فيها، وعشان يفضل موجود فى وسطنا قررت أنا وأخويا حسام إننا نرسمها ونعلقها على الحيطة، أبويا ناصرى أصيل وكان بيعشق عبدالناصر، وأكيد لو لسه عايش، كان حب السيسى زى ما بنحبه كده، وعشان خاطر الحاج هيبقى الرئيس اللى جاى، وهيطلعنا من الغمة اللى البلد فيها، خلينا نرجع نحس بالأمان فى مصر من تانى». «سمير»، يرى أن «السيسى» رجل المرحلة والزعيم الذى أنجبته مصر بعد الرئيس الراحل جمال عبدالناصر، تابع: «مصر ولاده زى ما بيقولوا، ومحدش يقدر يهدم بلدنا، ده إحنا نجيبه تحت الأرض، والسيسى هو اللى هيكمل مسيرة جمال والسادات ويجيب حق بلدنا من الإخوان واللى عملوه فينا».