م الآخر| اعمل نفسك silent

السكوت مش دايما علامة الرضا للسكوت أسباب بيبان العنوان م الجواب وجواب من جواب اتعدى فيه اللي بيسكت لأن كلامه زى قلّته وفيه اللي بيسكت من كتر الوجع وفيه اللى بيسكت لأن كتر الكلام علّته وفيه اللي بيسكت لأن عمره ما أتسمع وفيه اللي بيسكت لأن لو اتكلم ها يطلع شياط وفيه اللي بيسكت لأن عمره ما اتفهم وفيه اللي بيسكت لحسن يفتح ف العياط وفيه اللي بيسكت لحسن خايف يتصدم وفيه اللي بيسكت لجل لقمة العيش وفيه اللي بيسكت لأن بيلاقى ف السكوت أمانُة وفيه اللي سكت ومصارحش حبيبه لجل شيء ما بينهم يعيش وفيه اللي بيسكت وهو بيجز ف سنانه سكوتك مهواش ضعف ولا عيب العيب إنك تخبيه لا تربط عليه شال ولا تخزنه ف شكاير وتعبيه يمكن يختلف طريقك من طريقي لكن.. قدّر سكوتك ومتسكتوش لأن دايما الكلام اللي بيجى بعده بيبقى أكتر كلام.. حقيقي (الآراء المنشورة كتبها القراء ولا تعبر بالضرورة عن رأي موقع وجريدة "الوطن"، وإنما تعبر عن أراء أصحابها)