بريد الوطن| درج الليل
بريد الوطن| درج الليل
فتحت درج الليل
شديت شريط أحلام
وبلعت حبتين م الذكرى قبل ما أنام
هزت إيديك كتفى ف الحلم واتبسمت
وطبطبت روحك على روحى فاتقسمت
شرب الدفا كفى من لمسة لكفوفك
واتكحلت عينى من فرحتى بشوفك..
ومليت خزاينها دقة تفاصيلك
أنا اللى كنت ف يوم شبهك وتفصيلك
قلبى اللى كان مركب مخلوق لتوصيلك
لكل بر تريد..
بعتلك روحى طابع لكل بريد
ما جتنى غير مرة ف الحلم يا قاسى
آه يا عزيز العين.. ياللى انت تاج راسى
أكتب واقولك إيه؟!
خلصت فيك قولى.. وتعبت بيك الغير
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
