رغم أن المحاماة مهنة تحتاج إلى تواصل مباشر بين المحامين والمواطنين، فإنها لم تسلم أيضاً من التطور التكنولوجى السريع، حيث قام بعض المحامين وأساتذة القانون بالجامعات، بعمل تطبيق إلكترونى بعنوان «أفوكاتو»، يمكن للمواطنين من خلاله إجراء استشارات قانونية دقيقة، والوصول إلى المحامين المختصين الأقرب لمناطقهم الجغرافية.
يشمل التطبيق عدة محاور منها، تقديم استشارات قانونية، والتعاقد مع محامين، كما يقدم باقات شهرية وسنوية: «باقة الاستشارات بتبقى بـ500 جنيه، والسنوية اسمها الرعاية القانونية بـ3000 جنيه، وبتكون عبارة عن استشارات وتواصل مع محامين عشان القضايا، والعميل مش بيدفع أى حاجة تانى غير المصاريف الإدارية للقضايا»، بحسب أحمد ماهر، المدير التجارى للتطبيق.
وحرص القائمون على التطبيق على التعاقد مع محامين مقيدين بالنقابة، ولديهم كفاءة وخبرة كبيرة: «مع كل محامى بيكون فى سيرة ذاتية عنه ومكانه وبعض القضايا اللى كسبها، عشان المواطن يبقى على دراية وهو بيختار المحامى اللى يقدر يدافع عنه أو يجيب له حقه».
ومن خلال التواصل مع خدمة العملاء مباشرة، يقدم التطبيق عدة مميزات، منها ترشيح محامين أو استشاريين مختصين: «كل عميل جديد للتطبيق له 3 استشارات مجانية»، ويتعاقد بالتطبيق ما يقرب من 1500 محامٍ، ويتزايد أعداد المشتركين به يومياً، حيث وصل عددهم إلى 3000 عميل، و9000 قاموا بتحميله على هواتفهم، بحسب «أحمد»: «ده بيأكد إن التطبيق ناجح جداً ويقدر يحقق أهدافه وبسهولة، من غير ما المواطن يتعب فى البحث عن محامى يكون كويس، وفى نفس الوقت ما ياخدش منه فلوس كتير»، ويرى أن التطبيق سهل على المواطنين، ويمثل حلقة وصل بينهم وبين أفضل المحامين دون بذل جهد.
تعليقات الفيسبوك