حاجات ما يعملهاش إلا المصريين
لما حجارة الريموت تخلص بيعضها بسنانه.. مستحيل يسيب الشبشب مقلوب.. لما يبقى حران بيقلب المخدة الناحية التانية.. لما يروح درس يعد العيال علشان يشوف المدرس بياخد كام فى الحصة.. لازم تلاقى نص لمونة فى التلاجة.. ممكن يعمل أى حاجة غلط إلا إنه يشغل أغانى ساعة الأذان لأنه شعب متدين بطبعه.. أول ما يكون فيه خناقة فى الشارع يجرى على البلكونة وهو فرحان.. لما الشامبو بيخلص بيحط شوية ميه علشان شوية الشامبو اللى فى الآخر.. يحط قنوات القرآن فى أول عشر قنوات ويقلب بعد القناة الحداشر.. إنه يشجع الزمالك حتى المنتهى، وهو يعلم يقيناً أن الدورى محجوز للأهلى.. أن تذهب إلى محطة القطار فى الميعاد المقرر فى التذكرة وأنت تعلم أنه سيتأخر.. أن تشاهد فيلماً عربياً تعرف نهايته قبل أن يبدأ، ومع ذلك تشاهده حتى النهاية.. أن تعلم أن الشحاتين هم أناس محترفو التسول ومع ذلك تعطيهم من أموالك.. أن تمدح مرؤوسيك وأنت تعلم أنك منافق وهم فاسدون.. أن تكفر الغرب وتقاطع منتجاتهم وأنت أول من يستخدمها.. لما تقطع عنده الكهربا يروح يبص من الشباك على جاره لو لقاها قاطعة يرتاح نفسياً.. طول عمرنا بنحب الخير لبعض!
سامح لطفى هابيل
محام بالنقض - أبوتيج
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك