م الآخر| فرحان وبتضحك وتهرج

فرحان وبتضحك وتهرج مبسوط بحياتك وسنينك ولا بتقصد بس تخرج ذكرى لناس صبحوا أم ناسيينك؟ بعد ماصنعو الدمعة ف عينك فجأه خلاص مبقوش عايزينك لساك فاكر كل كلامهم وبتتمنى تعيش أحلامهم بس بتوهم نفسك إنك كاره كل دقيقة ف زمنهم قصة طويلة لو تتقال عايزه كتاب من مليون صفحة قلبك عاش محتار البال جوه قلوب نسيته الفرحة ياما قلوب ف الحب إرتاحت إلا ف حالتك زادت حيرة انسى خلاص أيامهم راحت والأيام أهى جاية كتيرة اضحك وافرح بس بجد واوعى تحن ف يوم للغيرة ده اللى يبيع نفسه عشان حد تبقى كرامته بدون تسعيرة (ملحوظة: الآراء المنشورة في قسم "م الآخر" كتبها القراء، ولا تعبر بالضرورة عن رأي موقع وجريدة "الوطن"، وإنما تعبر عن آراء أصحابها)