«الحاجة أم الاختراع»، شعار رفعه بعض مهندسى الكهرباء المصريين، بالتزامن مع بداية فصل الشتاء، حيث قرروا اختراع بديل للبطاريات باهظة الثمن التى تستخدم فى تشغيل سخانات الغاز لتدفئة المياه.
محمود سليمان، كهربائى من منطقة المقطم، قام باستخدام شاحن المحمول فى شحن السخان رافعاً شعار وداعاً لزمن البطاريات: «الفكرة بدأت معايا بقالها سنة من واقع تجربة شخصية، أنا عندى فى البيت المياه الساخنة مهمة جداً مش بنقدر نستغنى عنها، كنت بصرف ميزانية كبيرة جداً على شراء البطاريات كل شوية بتخلص، قمت عملت تحويل فى شاحن كهربائى وشغلته فى السخان لقيته عمل نفس الغرض ومش بيسحب فى الكهرباء نهائى وبيشغل الشعلة».
قوته "3 فولت و2 ميلى أمبير"
مواصفات محددة يتكون منها الشاحن المستخدم حيث لا تزيد قوته على 3 فولت و2 ميلى أمبير: «الشاحن بتاع المحمول بنعمل فيه وحدة حماية بمادة فاصلة عشان ما يحصلش شرارة بين الأطراف، وبيكون آمن جداً فى الاستخدام».
ويصل سعر الشاحن إلى 60 جنيهاًً، وحسب «محمود» فإن الإقبال كبير جداً على شراء الشاحن خاصة مع حلول فصل الشتاء: «هو بيتركب مكان البطارية وبيفضل شغال، فى سحب كبير جداً فى الشراء وكمان بنعمل تركيبه وصيانته لمدة سنة، الواحد بيدفع 60 جنيه فى الشاحن بس بيريح دماغه بدل ما كل شوية يشترى بطارية جديدة والمشكلة إنها بتخلص بسرعة، بجد معاناة».
ويحذر «محمود» من تجريب شاحن المحمول مباشرة بدون معالجة: «لأن الشاحن بيكون الفولت بتاعه أقل من الشاحن الخاص بالسخان، إحنا بنستخدم شاحن الفولت بتاعه نفس فولت الحجارة الخاصة بالتشغيل، مش بيسحب خالص فى الكهرباء على عكس ما الناس متوقعة، الميزة إن الفكرة بتضمن كمان كفاءة لتشغيل السخان لأن الشاحن مش بيضعف مع الوقت عكس البطاريات».
تعليقات الفيسبوك